R&D Solution mori pjesë në Design Thinking Bootcamp, të organizuar nga ACTI, një ngjarje që krijoi një hapësirë unike për ide dhe bashkëpunim mes profesionistëve të teknologjisë.
Dy ditë të fokusuara në punë praktike dhe diskutime intensive sollën një eksperiencë që na lejoi të sfidojmë mënyrat tradicionale të të menduarit dhe të eksplorojmë qasje të reja për zgjidhjen e problemeve. Për ekipin tonë, kjo ishte një mundësi për të parë më qartë si kërkimi dhe zhvillimi mund të lidhen me realitetin e tregut për të ndërtuar projekte me ndikim konkret.
Për R&D Solution, kjo përvojë dëshmoi edhe një herë se idetë më të mira lindin kur kombinohen ekspertiza e ndryshme dhe kur hapet një hapësirë për kreativitet të lirë. Pikërisht ky është vizioni që ne ndjekim: të ndërthurim shkencën, teknologjinë dhe bashkëpunimin për të sjellë zgjidhje reale.
Duke reflektuar mbi përvojën, Ermal Beqiri, themelues i Soft & Solution Group dhe kryetar i parë i Këshillit Drejtues të ACTI-t, u shpreh se “Ky Bootcamp tregoi fuqinë e bashkëpunimit. Kur kompanitë, institucionet dhe profesionistët ndajnë ide dhe energji, krijohen baza të forta për të ndërtuar të ardhmen e teknologjisë shqiptare.”
Ky Bootcamp na kujtoi se zbulimet dhe idetë e reja nuk lindin në izolim, por në momente si këto, ku energjia e përbashkët bëhet burim për të menduar më ndryshe dhe për të krijuar rrugë të reja zhvillimi.